a Global Glow-ball

The world is round with no finish line only when we squeeze it and chock it.

But the truth is that the world is flat;

The world is flat only:

When we get globalization so small

Small as a ball

When we get over our psychological racist religious disorders

When we open are souls and set our bodies free

When we dance for the winds of misery

When we see hunger as games

When we survive and dive and drive our passion within the flatness of this world

When we accept our past and present and future destinies

Yet, call ourselves “Rebels”

كيفك انت ان شالله منيح؟

–        بونجور

–        بونجور

–        كيفك اليوم؟

–        مرتي عم تولّد امّي بالمستشفى ابني سقط بالمدرسة ابني التاني هرستو سيّارة أنا معتّر ما في حدا عم يساعدني و اليوم ما أكلت و صرلنا جمعة بلا مصاري بالبيت وما في مين يشفق عليّي .. بلا بلا بلا

 

هيدا ملخّص و مضمون حديث عابر مع كلّ من حارس البناية  و الشّوفير و الميكانيسيان و شوفير التاكسي أو جتى أيّ مواطن بصادفو عالطّريق.

 

منجي لتشخيص الحالة.. شعب معتر ما عندو شي يتسلى فيه غير النّق.

يا خيي فيك تقول عايش عالنّق و صار منو و فيه.

صار النّق من مكونات حياتو.

حتى صار موجود بجيناتو و بيتوارثو صار من جيل لجيل.

 

ما في حل, مجرد ما سألتو يوميا “كيفك؟”, أوتوماتيكيا رح يعدلك المقرر و ملخص مشاكل حياتو كلها من يوم الخلق للساعة المشؤومة اللي قررت حضرتك تسألو هالسؤال.

 

ايه لا خيي.. خلي كل واحد بمشاكلو بتكفيه و بلا هالسؤال.

انو شو حيقدم أو يأخر بحياتك والله اذا عرفت كيفو؟؟

أكيد ما شي!

ما حينوبك غير وجع راس و حيرة كيف بدك تحل مشاكل غيرك.

بتقرر تساعدو خسران.

وان قرّرت تطنّش نقّو بدّو يبقى يهتّك فيها عمر انّك انت ما ساعدتو و وقفت حدّو.

لا .. والأحلى انو كل ما مرقت من حدو خود عزأورة و تطليعات بالقلب يعني الو الجميل.

ان حلّيتها انت خسران مادّيا و معنويّا و ان ما حلّيتها كمان انت خسران معنويّا

 

يا خيّي يعني عندك حساسيّة بتصيبك اذا ما بتقول كلمة “كيفك”؟

بلاها.. والله أوفرلك وجع راس و وجع جيبة.

 

اسمع مني هالنصيحة

خلي كل محادثاتك تقتصر على : “بونجور .. أورفوار”

معا لحذف كلمة “كيفك” من قاموس المحادثات!

مون فرير

مون فرير

عبارة يستعملها الأفارقة هي أقرب الى ال Bro

طبعا كلنا منعرفBro  تقال إلى كل من يمشي على اثنتين

جارك برو.. صديقك برو.. زميلك بالشغل برو.. تاجر السيارات برو.. الميكانيكي برو.. البوليسي برو.. اللي بغششك بالإمتحان برو.. اللي بيعملك خسم بمحل تياب برو..اللي بيعملك فافوريت عتويتاتك برو.. اللي برتوتلك برو.. اللي قاصدو بشي خدمة برو.. بدك تستعير صباطو برو.. بدك تبيعو سيارة برو.. لك بدك تصاحب اختو برو

كل هالعالم برو..

بس المضحك انو الوحيد اللي مش برو هو خيك

أما عند إخواننا في أفريقيا..

بيجيك موظفك معو بجنبو واحد بدو يوظفو..

بتسألو من وين و شو بيشتغل و هالخبار..

دغري بناولك “سا سي مون فرير”

يعني وظفو عالعمياني و مبروك الخازوق

– تون فرير نفس البي و الأم؟ لا

– إبن عمك؟؟ لا

– ساكن بالحي عندكن؟؟؟ لا

بعد التحليل بيطلع واحد ساكن بنفس المحافظة و شايفو مرة واحدة بس خلص صار المون فرير تبعو

كيف في عندك حب من أول نظرة.. في كمان مون فرير من أول نظرة

ما علينا .. أول واحد بيسرقك هو المون فرير .. و أول واحد بيتبرأ منو هو السون فرير.. وبالآخر بتطلع انت بالخازوق و هو ما بيعرفو.. لا, والحق عليك, كيف انت بتوظفو؟؟

بعمرك ما توثق ب سون فرير أو ب تون فرير

و بعمرك ما توثق ب برو ..

خيك من إمك و بيك و بيسرقك بهالأيام

(: ١٤٠ كاراكتيرز : شو هالكاريكاتور انت

كان السؤال: هل لديك تويتر؟

فكان الجواب: وهل هذا نوع من البزر؟

فضحك الجميع و قرّرت إثرها فتح حساب جديد

نعم دخلت التّويتر.. هذا العالم الغريب

كسوق خضرة يغصّ بالبائعين و الشّارين

دخلت و لا أسمع حولي سوى أصوات مرتفعة

ظننت في البداية أن الشّارين والبائعين من أصحاب الثّقة

و عأوّل دخولنا .. أكلنا خازوق عطولنا

لم أعلم أن هذا الإكتشاف مسلّي لدرجة البوب-كورن

يوم تلو اليوم .. خازوقاً  تلو الخازوق واذ بي يجرفني تباعاً هذا الإعصار حتى صرت في عينه

وعين الإعصار تبلى بالعمى

لنقلب الموجة و ننسى العربي .. فهذا أوّل ما تعلّمناه, ناهيك عن أغلاط القواعد اللّي كرّهتنا لغة الأم.. اللّغة الأغنى في العالم

طيّب.. معي لهون؟؟

كلُّ يغرّد على ليلاه.. و يا ليلة ما كانت ليلة فوتتنا

طب هيدا مش التّويتر البريئ اللّي كنت مفكّرو بوب-كورن و بزر!!

خيّي النّاس هون بيعرفوا بالقصص قبل ما تصير

بيسمعوا بالخبر قبل ما ينعلن

بيقتلوا النّاس و بيدفنوها هي و ماشية

بسقّطوا حكومات و بنصّبوا حكومات

بينتخبوا ملكات جمال و راقصات و مطربات

لا و شو.. عندن قانون بيحكمن اسمو 140 كاريكتير

لك كلّ الحقد و المشاكل والثورات و الحشود و الخطابات بتعملها ب 140 كاريكتير؟؟؟؟

كيف لو عطيوك 10 زيادة ؟؟

محتمل نشوفك قاعد مكان بان-كي-مون؟

منهم مقضّيها مسخرة و مزح ..و منهم بيكتب #بلا_مزح

منهم بيكتب ب #مسؤولية .. و منهم عديمي المسؤوليّة

منهم بيكتب للقلق… و منهم بيكتب لل #مزاج

منهم بحبّ #القهوة… و منهم عندو حساسيّة إلها

و كلّ شوي هش تغة و هش تغة و هش تغة .. ايه هشّ ياه …

منهم بسمّي الأشيا.. و منهم سمّ بالأشيا

منهم بسبّ.. و منهم بحبّ

منهم بيبدع.. و منهم بيسرق

منهم بطنشك.. و منهم بقلّك #شايفك_أنا

واللي مش هامّو .. الله #لا_يهم-و

وأنا… متل ما أنا… سئيل … بهرب من وجعة الرّاس ل #جعدناتي_الصباحية

يمكن طوّلت الحكي عليك بس عندك هالمساحة الصّغيرة من الكاراكتيرز

انتقيها بحذر..

كي يسعك القدر..

قدرك.. 140 ..فاكتب بالمختصر

حرفأ تلو الحرف.. إن لم تضف الصّور

واعلم أنّ كلّ ما تكتبه .. مادّة للبصر

دم الشهادة يغسل العار.. أيلول 13

13 أيلول يوم لا ينسى في تاريخ الصراع العربي الإسرائيلي

في هذا اليوم من العام يستحضرنا مواقف عديدة جديرة الذكر

ففي 13 أيلول 1993.. و برعاية أمريكية باع الراحل ياسر عرفات قدية القدس لإسحاق رابين في سفقة الشؤم “أوسلو“

نعم.. تواطأ العالم كله.. حتى من كنا نظنهم أصحاب القضية تقاعصوا و تخاذلوا..

في اليوم نفسه خرج ثلة من أبناء الضاحية الأبية ليعلنوا للعالم رفضهم اتفاقية العار مع العدو الإسرائيلي في مسيرة سلمية على طريق المطار.. فما كان بالحكومة اللبنانية آن ذاك إلا أن أصدرت الأمر للجيش اللبناني بإطلاق النار بهمجية و وحشية على رؤوس المتظاهرين فكانت الحصيلة 10 شهداء بينهم امرأتان..

شهداء الوطن الذين سقطوا في 13 أيلول ذوداً عن ما تبقى من شرف أمتنا العربية غسلوا بدمائهم عار السلم العربي..

خرجنا يومها لنقول للعالم كله أنه لم و لن ننجر لفتنة بين شعب المقاومة و جيشنا اللبناني..

ولكن للذكرى.. كي لا ننسى من أعطى الضوء الأخضر يومها لعناصر الجيش اللبناني من مسؤولين و صناع قرار و ضباط و عناصر.. منهم من هو حي يرزق حتى يومنا و منهم من بات تحت التراب.. و كلنا نعرفهم و هم يعرفون أنفسهم

نرفع شكوانا إلى الله على كل من تآمر على حرمة دماء مواطنينا الشرفاء..

لن نسامح.. لم ننس.. لن ننسى

بعد مرور 4 سنوات على ذلك اليوم,عادت ذات الثلة التي باعت نفسها للوطن وأعارت جماجمها لله لتثبت من جديد للعالم كله أننا أصحاب حق لا طالبي سلطة و جاه..

في 13 أيلول 1997 و في موقف الدفاع عن حرية و سيادة و كرامة أهلنا في لبنان ثبت ثلة من بواسل مقاومتنا و جيشنا اللبناني على ثغور بلدة عربصاليم على تخوم جبل الرفيع في وجه تقدم قوة عسكرية اسرائيلية حاولت التقدم إلى أراضينا.

ما لبث أن انجال غبار المعركة و أسدل ستارها لتكون الحصيلة 3 شهداء من المقاومة الإسلامية و 6 شهداء من الجيش اللبناني.

هادي حسن نصرالله, إبن ال18 من العمر, الذي لم يمر خمسة أشهر على خطبته, كان على لائحة فرسان جبل الرفيع.

هادي, الإبن البكر لأمين عام حزب الله, خط بدمه شعار و نهج حزبٍ باع نفسه لله

“إننا في حزب الله لا نوفر أولادنا للمستقبل,نفخر بأولادنا عندما يذهبون إلى الخطوط الأمامية, و نرفع رؤوسنا عاليا بأولادنا عندما يسقطون شهداء”

نعم قالها الأمين و في القلب لظى و في العين دمعة أخفاها عشق التراب و حب الوطن

ونحن نقول

إلى من باع الوطن والقضية في أيلول 93

إلى من أطلق نيرانه على أبناء بلده تحت جسر المطار

إلى من مضى و وافق و رعى واحتضن اتفاقية العار 93

إلى من حاضر ويحاضر باسم شعب الحرية و ثقافة الحياة

نحن من يعطي درس في الشهادة

نحن من يحق له أن يحاضر و يفاخر بالحرية يا أبناء التبعية

نحن من يحق له أن يحاضر بالتضحية و الوفاء والإنتماء للوطن

نحن المؤتمنون حق الدفاع عن الوطن

نعم نحن و الجيش وقفنا جنباً إلى  جنب

ليس فقط في جبل الرفيع بل على كل محور من محاور البطولة..

ليس فقط في ال97  بل طيلة 30 عاماً من الصراع مع إسرائيل..

نحن من أثبت في ال 93 و في كل سنة طيلة ثلاثين عاماً أننا لم و لن ننجر إلى حرب مع شعبنا أو جيشنا..

أما لمن تلطخت يده في ال 93 .. ولا أي شهادة في العالم تبرئك أو تغسل يداك من دمنا..

سيظل صوت النسوة في في 93 يصرخ في أذناك “يا ظالم” حتى يوم القيامة..

لن يسلم فينا القاتل من باع الأمة..

لن ننسى أيلول..

و ختاماً..

المجد كل المجد لأيلول الشهداء